Qeveria shqiptare shpalli sot gjendjen e jashtëzakonshme në dy qarqe të vendit që janë prekur më shumë nga tërmeti: në qarkun e Tiranës dhe të Durrësit.
Kryeministri Edi Rama deklaroi se “nuk është koha për asnjë polemikë, por kam parë disa raste mistrecllëku që kanë ndikuar opinionin publik sikur ne qënkeshim për të evituar gjendjen e jashtëzakonshme për të mos marrë përsipër përgjegjësitë tonë.
Dua t’u them të gjithë qytetarëve se e kanë bërë të vetën këtë tezë pafajësisht se çfarë është gjendja e jashtëzakonshme për të na dhënë kohën që të bëjmë gjërat me radhë.
Kështu që ne sot do të shpallim gjendjen e jashtëzakonshme bazuar në Kushtetutë.”
Rama sqaroi se Kushtetua dhe legjislacioni shtjellojnë, natyra e problematikës dhe situata duhet të jetë një një gjendje të jashtëzakonshme në perimetrin e dy rajoneve që janë prekur drejtpërdrejtë, Tiranës dhe Durrësit. Por për atë që nuk e dinë, gjendja e jashtëzakonshme nuk është çështje thjesht financash.
“E thashe dje dhe e thotë dhe historia jonë. Pasi çështjen financiare si kemi lënë asgjë mangët. Nuk e di nëse janë të gatshëm ata që e predikonin gjendjen e jashtëzakonshme që t’u nënshtrohen këtyre masave”, tha Rama.
Sipas tij, gjendja e jashtëzakonshme është për një periudhë 30 ditore, ka hapësirat dhe detyrimet për ata që duhet ta qeverisin atë. “Mbase nuk do u vijë për shtat atyre që e kanë predikuar, pasi ka qenë një temë me të cilën mund të bënin politikë, pasi Shqipëria ishte në lot”, tha Rama, duke premtuar se familjeve të prekura nga tërmeti do t’u ndërtohen banesat.
Për këtë, sipas Ramës, do të gjendet një skemë financimi, për të cilën ka folur edhe me kolegët evropiane.
“Nëse zoti nuk ka bërë ndonjë plan tjetër do të jemi për pak ditë në samitin e NATO dhe aty ramë dakord që jashtë tryezes së samitit të bëjmë një diskutim, për të adresuar këtë plagë e hapur në vend dhe si do ndihmohet shoqëria, shteti dhe njerëzit e prekur në këtë situatë të vështirë”, tha Rama.
