Deputeti Lefter Maliqi shprehet se referendumi dhe zgjedhjet e parakohshme janë mundësia e vetme për zgjidhjen e krizës politike dhe kushtetuese në vend.
Maliqi shkruan në një postim në rrjet “gati për Referendum dhe zgjedhje të parakohshme, si e vetmja mundësi për zgjidhjen e krizës së rëndë politike, ekonomike dhe institucionale. Sfidat vazhdojnë”.
Reagimi i Maliqit vjen në një kohë kur pritet që Presidenti Ilir Meta të japë detaje mbi propozimin e tij lidhur me mbajtjen e një referendumi për mbrojtjen e Kushtetutës dhe Republikës. Meta i ka drejtuar një thirrje shqiptarëve që t’i bashkohen kësaj nisme për të mbrojtur Kushtetutën.
Perej disa ditësh ka një thellim të krizës politike në vend, që është kthyer në një krizë edhe Kushtetuese, pas tentativës së Rilindjes për kapjen e Gjykatës Kushtetuese, duke përdorur kreun e KED-së.
Meta ka kallzuar penalisht në prokurori Kryetarin e KED-së, Ardian Dvorani.
Rilindja ka paralajmëruar se do të marrë nisma për ndryshimin e Kushtetutës, por nga Presidenca ka pasur një reagim të fortë, duke thënë se Presidenti dhe populli do të hyjnë në Kuvend.
