Kreu i opozitës Lulzim basha, gjatë bashkëbisedimit me gazetarët deklaroi se një nga pikat kryesore që ai ka diskutuar me përfaqësuesit e CDU-së, ka qenë kriza ekonomike në Shqipëri dhe rrugdalja prej saj.
Sipas Bashës, Gjermanët kanë shprehur gatishmërinë për të ndihmuar vendin tonë dhe të sjellin investime në Shqipëri, por për këtë duhet një partner serioz politik, i cili është kundër politikave korruptive që ka bërë qeveria aktuale.
‘Vendi po vazhdon të zhytet në një krizë të paprecendentë, jo vetëm politike por edhe ekonomike. Ky është një shqetësim kryesor për mua si kryetar i opozitës dhe PD. Në takimet që kam patur në Laipzig ku ndodheshin dhe përfaqësuesit e CDU-së, zhvillimi i ekonomisë, ndryshimi i kursit të politikës shqiptare nga PPE-të, korrupsioni dhe taskat e larta, dhe hedhja e hapave të shpejtë që Shqipëria të kapë ritmet e Serbisë, e cila ka arritur të thithë 66 mijë vende pune me paga mesatare prej 1200 eurosh në muaj, ku në këtë vend para 10 vitesh paga mesatare ishte sa ajo në Shqipëri. Pra, kriza ekonomike ka qenë në fokus të takimeve dhe bashkëbisedimeve që kam patur me krerët e CDU-së’, tha Basha.
