Shkarkimi i Muçit i paralajmëruar/ Juristi i njohur: KED gaboi qëllimisht

Juristi Jordan Daci, i ftuar në emisionin “360 Gradë”, u shpreh se shkarkimi i gjyqtarit Besnik Muçi ishte i paralajmëruar.

Sipas Dacit, gabimi i qëllimshëm filloi me KED pikërisht me dërgimin e emrit të tij si anëtar iu Gjykatës Kushtetuese.

“Shkarkimi i zotit Muçi ishte një kronikë e paralajmëruar. Gabimi i qëllimshëm filloi me KED pikërisht me dërgimin e emrit të tij si anëtar iu Gjykatës Kushtetuese.

Ky organ nuk duhet të kishte çuar emrin për kandidat të Gjykatës Kushtetuese pa mbaruar të gjitha shkallët e vetingut.

Në këtë moment presidenti u vu para një fati të kryer dhe nuk e ka më tagrin të verifikojë vettingun ose jo. Fakti pse e ka zgjedh është meritë e presidentit dhe nuk di ta them pse e bëri”, tha Daci.

LEXO EDHE  Mbyllet në barazim me gola pjesa e parë mes Inter dhe Barçës (Video)

Në vijim, Daci tha se Muçi kur u propozua në Gjykatën Kushtetuese, nuk iu ndërpre asnjë ditë mandati si prokuror dhe në momentin pa iu ndërprerë mandati kaloi në anëtar të Gjykatës Kushtetuese.

“Ky vettingu nuk e kaloi se ishte brenda sistemit. Nëse zotëria do kishte bërë dorëheqje nga detyra e prokurorit qoftë edhe 1 minutë dhe pastaj do riemërohej si anëtar i Kushtetueses, atëherë duhet të ndërpritej procesi i rivlerësimit kalimtar.

Për rrjedhojë do shpallte pushimin e çështjes Komisioni i Apelimit. Në rastin konkret nuk iu ndërpre për asnjë moment. Ai është shkarkuar si anëtar i Gjykatës Kushtetuese. Si pasojë juridike është rregullsi”, tha Daci.