City “blindon” Sterling, i ofron 350 mijë euro në javë

Raheem Sterling është padyshim një nga futbollistët më të talentuar në botë, dhe është thuajse perfekt për skemën e Guardiolës.

Me Realin e Madridit dhe Barcelonën që janë prej kohësh në gjurmët e tij, Manchester City është e gatshme për të bërë gjithçka për ta mbajtur atë në “Etihad Stadium”.

24-vjeçari, rinovoi kontratën vetëm vitin e kaluar, por sipas “The Mirror”, City është e gatshme për një ofertë të re, ku ai do të përfitojë më shumë se 350 mijë euro në javë, me një kohëzgjatje deri në vitin 2023.

LEXO EDHE  Kalkulimet e shortit/ Chelsea rrezikon Barcelonën, Liverpooli ndaj Atletico Madrid

Këtë sezon, anglezi ka shënuar 14 gola dhe ka dhënë 5 asiste.