Në përfundim të takimit, Edi Reja ka dhënë intervistën e zakonshme për të analizuar ndeshjen.
Në intervistën e dhënë për RTSH ai deklaroi:
“Kemi parë qartë cilësitë e Francës sot. Ne, gjithsesi kemi reaguar dhe patëm dy raste në pjesën e dytë. Edhe në Turqi kemi krijuar raste për gol, por nuk i kemi konkretizuar. Më pas, kur ke përballë lojtarë si Giroud dhe Griezmann, gjithçka bëhet më e vështirë”.
“Prisja diçka më shumë, edhe sot kemi shpërdoruar një pjesë loje. Megjithatë, kemi bërë diçka të mirë në pjesën e dytë. Nota për këto eliminatore? Para se të kërkosh kualifikimin në Europian, duhet të punosh një vit me ekipin”.
“Unë erdha në mes të rrugës dhe kemi bërë disa ndryshime. Nuk mund të pretendosh t’i gjesh menjëherë zgjidhjet, por jam i kënaqur me atë që kemi bërë në pak kohë. Unë kam aktivizuar rreth 22/23 lojtarë, që do të thotë se kam një ide të përgjithshme”.
DENONCO