Deputeti Lefter Maliqi nuk ka marrë pjesë në votimin që u zhvillua në Kuvend lidhur me zgjedhjen e dy anëtarëve të rinj të Gjykatës Kushtetuese, që u votuan jo vetëm nga deputetët e Rilindjes, por edhe nga ata që njihen si “opozita e re”.
Maliqi përmes një postimi në rrjet sqaron se zgjodhi të largohej nga seanca për të mos u bërë pjesë e marrëveshjeve të fshehta me mazhorancën për të shkelur Kushtetutën.
Maliqi bën të ditur se pjesa më e madhe e deputetëve të “opozitës së re” bashkuan votat me mazhorancën për kapjen e Gjykatës Kushtetuese nga Rilindja.
“Jam pro ngritjes së Gjykatës Kushtetuese, por sipas ligjit dhe Kushtetutes duke kaluar nga Presidenti, tek Parlamenti , tek Gjykata e Lartë sipas radhës”, shkruan Maliqi në rrjet.
Në vijim ai thekson se votimi i sotëm e fut vendin në krizë më të thellë politike e Kushtetuese.
“Domosdoshmëri krijimi i Gjykatës së Lartë dhe asaj Kushtetuese pasi 3 gjyqtarë të Gjykatës Kushtetuese zgjidhen nga Gjykata e Lartë”, shprehet Maliqi.
Postimi nga Lefter Maliqi
Para votimit të dy anëtarëve të rinj të Gjykatës Kushtetuese u largova nga Parlamenti, pasi nuk mund të bëhem pjesë e marrëveshjeve të fshehta me mazhorancën për të shkelur Kushtetutën, pasi me votimin e sotëm ku dhe pjesa më e madhe e opozitës në Kuvend po bëhet palë me mazhorancën për kapjen e Gjykatës Kushtetuese nga Rilindja.
Jam pro ngritjes së Gjykatës Kushtetuese, por sipas ligjit dhe Kushtetutes duke kaluar nga Presidenti, tek Parlamenti , tek Gjykata e Lartë sipas radhës.
Votimi i sotëm e fut vendin në krizë më të thellë politike e Kushtetuese. Domosdoshmëri krijimi i Gjykatës së Lartë dhe asaj Kushtetuese pasi 3 gjyqtarë të Gjykatës Kushtetuese zgjidhen nga Gjykata e Lartë.
Votimi i sotëm tregon se Parlamenti nuk funksionon, se opozita është e papërfaqësuar në Parlament se dhe ky institucion po kapet nga Rilindja. Turp