Kuvendi miratoi sot me 105 vota pro, kandidaturat e paraqitura nga KED për anëtare të Gjykatës Kushtetuese. Kuvendi e cilësoi të ezauruar zgjedhjen e Arta Vorpsit, e renditur e para në listën e KED, ndërsa vijoi procedurën e zgjedhjes me dy emrat pasues, Elsa Toska dhe Fjona Papajorgji.
Procedura e ndjekur nga Kuvendi pa respektuar rradhën konsiderohet si anti-kushtetuese, për faktin se Kushtetuta parashikon që një kandidat përzgjidhet nga Presidenti, i dyti nga Parlamenti dhe i treti nga Gjykata e Lartë. Presidenti caktoi Besnik Muçin si anëtar të Kushtetueses, çka do të thotë se kandidati i dytëi takonte Kuvendit. Por ky i fundit ka zgjedhur të votojë për dy vendet vakante në Kushtetuese, sikundër ndodhi në seancë.
Lidhur me zhvillimet parlamentare ka reaguar Zëdhënësi i Presidentit, Tedi Blushi.
“Asgjë e re nga fronti i Ramaformës!
Presidenti Meta vazhdon vizitën në Paris dhe kur të kthehet në Shqipëri do të ndajë vlerësimet e Tij me qytetarët shqiptarë!”, shkruan Blushi në një reagim në rrjet.