Erion Veliaj, i njohur si mjeshtri i propagandës, ka bërë sërish atë që di të bëjë më mirë edhe këtë të premte… Zyra e shtypit e Bashkisë Tiranë ka shpërndarë një lajm që Veliaj, paratë e dëmshpërblimit nga gjyqi i fundit i fituar për shpifje ndaj Partisë Demokratike, ia dhuroi shkollës ‘16 shtatori’. Lajmi në fakt rezulton një gënjeshtër, pasi Veliaj nuk ka marrë para nga gjyqi, për sa kohë vendimi i dhënë nga shkalla e parë është apeluar.
“Paratë e dëmshpërblimit nga gjyqi i fundit i fituar për shpifje ndaj Partisë Demokratike, kryetari i Bashkisë së Tiranës, Erion Veliaj, ia dhuroi shkollës ‘16 shtatori’ në Pezë, në formën e një kompjuteri për klasën e informatikës. Veliaj tha se kjo është një dhuratë simbolike, e cila do t’i ndihmojë nxënësit të mësojnë gjuhën e kompjuterit, por nga ana tjetër, është edhe një dëshmi se shpifjet dhe intrigat nuk të çojnë askund”. Kjo ishte një pjesë e njoftimit të zyrës së shtypit panë Bashkisë së Tiranës, e shpërndarë “motamo” në mediat pranë pushtetit, duke përcjellë propagandën e Veliajt.
Atë që në fakt ia kujton avokati Ledio Braho. Ky i fundit, në një postim në rrjetet sociale i kujton Veliajt se vendimi ende nuk është ekzekutuar pasi nuk ka marrë formë të prerë.
“Lali paska blerë sërish kompjutera me lekë të pretenduara nga një gjyq i fituar, po vetëm “drejtësia” e propagandës së tij merr lekë nga vendime të gjykatës së shkalles së parë të ankimuara. Janë pikërisht këto lajme që tregojnë se kush është shpifësi më i madh në Tiranë…”, shkruan Braho në Facebook, duke publikuar edhe dokumentet që vërtetojnë ankimin e vendimit të Gjykatës së Tiranës.
Vendimi që më herët Braho e ka cilësuar si një shërbim ndaj Veliajt.
Drejtësia e re, gjyqtarët “Ule kokën para Erion Veliaj” janë të mirë!
