Protestoni edhe kundër Lulit, por mos u ankoni…/ Manjani i përvishet “dashnorëve” të protestave

Ish-ministri i Drejtësisë, Ylli Manjani, në një postim në rrjetet sociale ka reaguar ndaj atyre që i quan “dashnorë” të protestave.

Manjani shkruan se në Shqipëri protestohet, ndërsa thekosn se qytetarët mjafton të paraqiten në vatrat e protestave dhe të qëndrojnë aty.

“Protestoni edhe kundër Lulit madje, por bëjeni dhe mos u ankoni! Nëse nuk e doni Lulin tregojini se jeni më shumë se ai duke protestuar dhe jo duke u ankuar për të në FB!

Çdo ankesë ndaj Tij, qoftë dhe me vend, vetëm e forcon dhe njëkohësisht ndihmon kalbësirat që qeverisin”, shkruan Manjani.

Reagimi i Ylli Manjanit

Të gjithë “dashnorëve” të protestave, që nuk lënë faqe FB pa mbushur me mllef për Lulin dhe opozitën, ju kujtoj se në Shqipëri PROTESTOHET.

LEXO EDHE  Miratohet fondi i garancisë shtetërore / 11 mld lekë për kreditë e bizneseve. Kriteret

Çdo ditë madje!

Protestohet tek Unaza e Re, për të drejtën e pronës e strehimit. Njëkohësisht protestohet kundër korrupsionit masiv.

Protestohet, me turne madje, tek Teatri Kombëtar kundër zhdukjes nga faqja e dheut e trashëgimisë kulturore. Protestohet gjithashti kundër korrupsionit.

Prandaj, paraqituni në këto vatra proteste dhe qëndroni aty!

Protestoni edhe kundër Lulit madje, por bëjeni dhe mos u ankoni! Nëse nuk e doni Lulin tregojini se jeni më shumë se ai duke protestuar dhe jo duke u ankuar për të në FB!

Çdo ankesë ndaj Tij, qoftë dhe me vend, vetëm e forcon dhe njëkohësisht ndihmon kalbësirat që qeverisin.

Prandaj nëse keni dëshirë, dilni e protestoni! Lërini ankesat!