Do të ketë kohë Erjon Veliaj për të kontribuar në Partinë Socialiste. Kështu u shpreh Elisa Spiropali mbrëmjen e sotme në “A Show”, duke theksuar se Edi Rama do të jetë gjatë në Partinë Socialiste.
Sipas Spiropalit, Rama fitoi drejtimin e PS-së edhe kundrejt zërave kundër, ndërsa Lulzim Bashës iu dhurua Partia Demokratike.
“Rama e fitoi PS, Erjonin prej 10 vjetësh e mbaj mend në PS, por i duhet kohë që të kontribuojë. Ndërsa Sali Berisha ia dhuroi PD Lulzim Bashës, ndoshta zgjodhi më të mirin prej tyre”, tha Spiropali.
Në vijim ajo tha se kur socialistët protestonin dhe hynin në grevë urie kishte një pandjeshmëri nga pushteti. Kjo deklaratë e Spiropalit solli reagimin e drejtuesit të emisionit Adi Krasta, i cili e pyeti “mos vallë tani po hakmerreni, kur flisni me këtë gjuhë”.
