Analisti Andi Bushati, i ftuar në emisionin “Çim Peka Live” në Syri TV, ka komentuar zhvillimet mbi aferën e dyshuar korruptive të tunelit të Llogarasë me vlerë 190 milionë euro.
Ai deklaroi se ministrja e Infrastrukturës, Belinda Balluku, është përdorur si “mashë” ekzekutuese, ndërsa fijet e aferës i ka lëvizur vetë kryeministri Edi Rama.
“Duket që Rama ka një ngërç. Ne që e njohim Ramën, duke e krahasuar Ramën me vetveten, jo, jo siç e mendojmë ne. Në të gjitha rastet, Edi Rama, që nga Shpëtim Gjika në Vlorë, që është zyrtari i parë që i mori Prokuroria, me Saimir Tahirin, me Arben Ahmetajn, e deri te Veliaj në fund. Për çdo ndërhyrje të pushtetit gjyqësor, Rama gjithmonë ka pasur një deklaratë politike. Që nga dita që Balluku është marrë e pandehur, Rama vetëm fshehet.
Është ajo sekuenca e Ambrozias që tenton ta pyesi dhe Rama është gati të prishi konferencën. Një konferencë ku në progres raport, kjo qeveri akuzohet për mediat dhe Rama vetëm që mos t’i përgjigjet për Ballukun, prapë lë një përshtypje të keqe dhe nuk mohon dot akuzën e raportit. Pra, në këtë kuptim, duket që Rama ka një ngërç për të folur për çështjen Balluku.
Tani, cili është gjëja e ngërçit? Një arsye është kjo e që thotë Lorenci.
Një- Pra, duke mbajtur Ballukun pararojë, krijon një mburojë për të vajtur goditja te vetja.
Dy- Një tjetër mund të jetë se mund të jetë nga ato afera ku Rama është i implikuar me Ballukun. Ku Rama mund të ketë frikë se Balluku, po përfundoi si i gjyshi, do veprojë ndryshe nga i gjyshi, por do e tregojë patronin.
E, do rebelohet ndaj patronit. Pra, ne akoma nuk kemi të dhëna që të analizojmë pse Rama po sillet në mënyrë absurde ndaj Ballukut. Ajo që mund të themi, që jemi të bindur duke parë faktet, është që Rama po sillet në mënyrë të çuditshme dhe ndryshe nga ç’është sjellë gjithë rastet e tjera.
Koha do tregojë pastaj se pse po sillet ndryshe nga ç’u soll me Tahirin, me Veliajn, me Ahmetajn, me tërë kokën e kështu me radhë.”, tha Bushati.
