Sekretari Organizativ i PD-së Sahit Dollapi është lënë i lirë pas arrestimit në protestën e djeshme të opozitës.
Sekretari organizativ i Partisë Demokratike, Said Dollapi u dhunua mbrëmjen e djeshme gjatë protestës së opozitës.
Ai u shoqërua në Drejtorinë e Policisë së Tiranës ku u mbajt disa orë dhe pas apeleve të njëpasnjëshme të Presidentit të Republikës për të dërguar në spital zyrtarin e PD-së dhe ultimatumeve të opozitës, duket se policia u detyrua që nën masa të forta sigurie të çojë drejt spitalit të Traumës, Sait Dollapin.
Dollapi u qëllua nga një grup policësh të FNSH-së me shkopinj gome, ndërsa po sqarohej me një drejtues të forcave të ndërhyrjes së shpejtë, i cili nga pamjet e publikuara, urdhëron efektivët e pajisur me skafandra dhe shkopinj gome të ndalojnë zyrtarin e PD-së.
Mbi të është ushtruar dhunë, çka është konfirmuar edhe nga Avokatja e Popullit, e cila pas mesnatës vizitoi në mjediset spitalore Dollapin.
Mësohet se forcat e policisë kanë hequr rrethimin mbi spitalin e Traumës, rreth orës 02:00 të mëngjesit të sotëm, ndërsa Dollapi vijon të qëndrojë në spital ku po merr ndihmën mjekësore.
