Një shqiptar dhe një Italian, përkatësisht 38 dhe 44 vjeç, janë arrestuar nga policia italiane, pasi u kapën me një sasi prej 100 kg marijuanë.
Mediat italiane raportojnë se shqiptari me banim në Piemonte dhe italiani banues në Asti, u kapën pas një kontrolli të ushtruar në automjetin me të cilin udhëtonin, ku në ulësen e pasme të një Ford C Max, u gjetën thasët me drogë.
Makina u identifikua nga agjentët e policisë, të cilët në atë kohë po kryenin një shërbim tjetër.
Policët vunë re se shoferi i Ford (që më vonë u zbulua se ishte italiani) ishte i shqetësuar nga kalimi i rastësishëm i një makine patrullimi dhe ndryshoi drejtim, kështu që policia vendosi të mos e anashkalonte, duke e ndjekur.
Të dy u ndaluan në Lancia, në ndërtesën ku qëndronte shqiptari. Në shtëpi u gjetën edhe tre peshore elektronike dhe materiale për paketimin e drogës.
Droga, e cila vlen rreth 300,000 euro me çmim shumice dhe pothuajse 1 mln euro në shitje me pakicë.
Hetimet e policisë vazhdojnë për të gjurmuar bashkëpunëtorët e mundshëm dhe rindërtimin e rrjetit kriminal që ndihmoi dy burrat në transportin e drogës.
“Ishte një aksion i lindur pothuajse aksidentalisht, pas intuitës hetimore të disa oficerëve të policisë që shfrytëzuan manovrat e dyshimta të një ndërlidhësi droge”, tha Marco Martino, drejtues i skuadrës së policisë.