“Opozita e re”, cakton drejtuesit/ Ja emrat që do e udhëheqin…

Deputetët që po marrin mandatet pas dorëzimit të tyre nga ligjvënësit e PD dhe LSI-së duket se do të formësojnë grupimet parlamentare në sallën e Kuvendit.

E ndërsa numri i deputetëve që kanë marrë mandatet nga LSI është plotësuar, duket se procesi për vendet bosh të krijuara nga dorëzimi i mandateve të deputetëve demokratë kanë vështirësi të plotësohen.

Gjithsesi shifra prej 7 deputetësh është kaluar, çka do të thotë se “opozita e re”, e cila pritet të respektohet dhe të jetë në vëmendjen e kryeministrit Edi Rama dhe kreut të Grupit Parlamentar socialist Taulant Balla, do të formësojë grupin e saj parlamentar.

LEXO EDHE  Po i raportonte Ramës, kryebashkiakja e Durrësit ‘mbytet’ në djersë

Sikundër raportohet grupi i tyre parlamentare do të drejtohet nga Rudina Hajdari dhe Myslim Murrizi, të cilët nuk dorëzuan mandatet e deputetëve ashtu si kolegët e tyre të opozitës.

Në sallën e Kuvendit janë 102 deputetë, ndërsa duhet plotësuar vakanca prej 38 vendesh.