“Barbari dhe kafshëri, një gruaje i thyen këmbën, një burri i çanë kokën”/ Denoncimi i fortë i ish-deputetit

Barbari dhe kafshëri e ka cilësuar ish-deputeti Klevis Balliu ndërhyrjen e policisë kundër banorëve te Bregu i Lumit.

Balliu iu bashkua banorëve në protestën e tyre, por nuk u lejua nga policia të afrohej në zonën ku më pas fadromat nisën punën për shembjen e banesave.

Me një postim në rrjet, Balliu shkruan se “një gruaje të shoqërur në rajon i kanë thyer këmbën dhe një tjetër burri i kanë çarë kokën”.

Postimi i Balliut

BARBËRI DHE KAFSHËRI PUSHTUESI

LEXO EDHE  Maska në ambiente publike, Meta kundër Kryemadhit: Të mbahen, familjet në nevojë të ndihmohen

Edvin Rama po kryen akte barbare ndaj banorëve të Bulevardit të Ri.

Po vret qytetarët brenda shtëpive të tyre. Gaz lotsjellës brenda në shtëpitë e qytetarëve, duke kërcënuar seriozisht jetën e banorëve.

Dhunë barbare prej pushtuesi. Disa qytetarë janë shoqëruar në Komisariatin 4 dhe janë dhunuar barbarisht. Një gruaje të shoqërur në rajon i kanë thyer këmbën dhe një tjetër burri i kanë çarë kokën.

Akte prej banditësh ndaj qytetarëve të këtij vendi.