Ministrja e shtetit për Marrëdhëniet me Parlamentin, Elisa Spiropali tha në “Open” se mazhoranca e ka ditur se opozita do të ndërmerrte një akt ekstrem si djegia e mandateve.
“Ne e kishim të qartë që opozita po shkonte drejt një zgjidhje ekstreme. Arsyet janë aty, nuk janë të fshehura”, tha ajo.
“Këta duan ta ndajnë Shqipërinë si duan këta. Eja të merremi vesh me pazaret e radhës. Ne nuk kemi ndërmend të bëjmë as pazare me askënd as ti kthejmë partitë në qendra ku shitet dhe blihet influencë e pushtet. Për ne vota është ajo që vlen, e shenjtë. Ne ulemi ku të duan dhe si të duam brenda kornizës kushtetuese”, theksoi Spiropali.
“Pra nuk uleni?”, pyeti moderatorja dhe Spiropali u përgjigj: “Kur do flasim? Eja të flasim, për reformën zgjedhore, diskutoni për garancitë që doni dhe rregullat e lojës dhe nëse mendoni se keni mbështetje të madhe, bujrum kemi zgjedhje lokale dhe testohuni.
Nuk kemi ndërmend ta bëjmë më se nuk ka arsye objektive, pasi të gjithë arsyet shtyjnë drejt legjitimitetit të qeverisë dhe nuk kemi asnjë partner ndërkombëtar që na mbështet për t’i hyrë kësaj aventure”.