Mediat ndërkombëtare i kanë kushtuar vëmendje të veccantë protestave të opozitës në Shqipëri, madje duke i krahasuar edhe me ato që zhvillohen në Beograd apo Podgoricë.
Protesta të mëdha antiqeveritare janë duke u zhvilluar gjithashtu në vendet fqinje si Mali i Zi dhe Serbia, duke nxitur atë që quhet “pranvera ballkanike”, por politikanët më të vendosur janë më të spikatur në mitingjet e Tiranës sesa në Podgoricë dhe Beograd, me zhgënjimin e shumë shqiptarëve që refuzojnë elitën e tyre politike.
Artikulli në Irish Times
Mijëra shqiptarë protestuan të martën jashtë parlamentit në kryeqytetin e tyre, Tiranë, për të kërkuar dorëheqjen e qeverisë së kryeministrit Edi Rama dhe për të thirrur zgjedhje të parakohshme.
Disa demonstrues hodhën fishekzjarre dhe dogjën goma, ndërsa trupat e policisë ruanin Parlamentin, por protesta përfundoi pa përplasje dhe lëndime, si në tubimet e tjera të fundit.
Protestat janë kulmi i zemërimit dhe zhgënjimit për një sërë çështjesh, nga korrupsioni dhe rritja e kostos së arsimit, deri tek blerja e dyshuar e zgjedhjeve të vitit 2017 dhe akuzat për lidhjet qeveritare me krimin e organizuar.
Rama dhe socialistët e tij në pushtet shpresojnë të fillojnë bisedimet e pranimit me Bashkimin Evropian në qershor, por Lulzim Basha, kreu i opozitës së qendrës së djathtë, i tha turmës se qeveria po shkatërron shpresat e Shqipërisë për t’u integruar me Perëndimin.
“Nuk ka Evropë për një Shqipëri me korrupsion në nivelin më të lartë, Evropa nuk hap derën e vet për vjedhësit “, tha ai.
“Vetëm zgjedhjet e lira mund ta shpëtojnë Shqipërinë”, shtoi ai, duke bërë thirrje për një protestë tjetër më 16 mars që do të ishte “akti vendimtar që do të hapë dyert e shpresës për të gjithë shqiptarët”.
Rama, që me socialistët mbajnë 74 nga 140 vendet në parlament, nuk kanë pranuar të heqin dorë apo të marrin në konsideratë zgjedhjet e parakohshme.
Ai këmbëngul se qeveria e tij është duke luftuar varfërinë dhe korrupsionin dhe akuzon opozitën për mashtrimin e njerëzve dhe shfrytëzimin e ankesave të tyre në një përpjekje “të dëshpëruar” për të marrë pushtetin, pasi është mundur thellë në votimin e vitit 2017.
Mes akuzave për lidhje të politikanëve socialistë dhe trafikantëve të drogës, zoti Rama shkarkoi shtatë nga 14 ministrat e tij të kabinetit në dhjetor, por kjo nuk arriti të shuajë pakënaqësinë e gjerë mes 2.8 milionë njerëzve të Shqipërisë.
Duke bojkotuar parlamentin më parë, deputetët e opozitës muajin e kaluar hoqën dorë plotësisht nga mandatet e tyre, duke shkaktuar kritika të ashpra nga BE dhe Shtetet e Bashkuara.
“Këto vendime dhe akte janë kundërproduktive, shkojnë kundër zgjedhjes demokratike të qytetarëve shqiptarë dhe minojnë progresin që vendi ka bërë në rrugën e Bashkimit Evropian”, tha shefi i politikës së jashtme të BE Federica Mogherini dhe komisioneri i zgjerimit të BE Johannes Hahn.
Ata i kërkuan së bashku deputetëve të opozitës “të vazhdojnë të shërbejnë në parlament dhe të marrin të gjitha masat e nevojshme për të shmangur aktet e dhunshme dhe deklaratat incendiare” dhe i kërkoi qeverisë dhe kritikëve të saj që të mbajnë “diskutime konstruktive” për t’i dhënë fund krizës.
Ambasada e SHBA në Tiranë kritikoi gjithashtu tërheqjen e opozitës nga parlamenti duke thënë se do të “minonte parimet themelore të demokracisë dhe do të përmbysë progresin e rëndësishëm që Shqipëria ka arritur në sundimin e ligjit dhe qeverisjen e përgjegjshme”.
Protesta të mëdha antiqeveritare janë duke u zhvilluar gjithashtu në vendet fqinje si Mali i Zi dhe Serbia, duke nxitur atë që quhet “pranvera ballkanike”, por politikanët më të vendosur janë më të spikatur në mitingjet e Tiranës sesa në Podgoricë dhe Beograd, me zhgënjimin e shumë shqiptarëve që refuzojnë elitën e tyre politike.
