Shqipëria ka dy probleme të mëdha, që kanë ardhur me Edi Ramën: Demokracinë e kriminalitetin. Kështu u shpreh kreu demokrat, Lulzim Basha, në një intervistë për emisionin ‘Porta a Porta’ të Bruno Vespa në Rai1.
Basha tha se 5 vjet më parë Shqipëria u bë shteti i trafikut të kanabisit, më pas i kokainës dhe heroinës.
Sipas tij, paratë e drogës kanë blerë media, gazetarë, pushtet e policë.
“Dy muaj më parë janë publikuar regjistrime ku zyrtarë të PS-së janë përgjuar me mafiozë për të blerë vota e kërcënuar opozitën në zgjedhjet e 2017.
Për 4 vite Rama kishte si ministër Saimir Tahirin, që tani është zyrtarisht nën hetim në trafik droge, pas hetimeve të nisura nga prokuroria e Katanias.
Pas tij erdhi Fatmir Xhafaj, që e kishte vëllain e tij të dënuar me 7 vite burg për trafik droge’, tha ndër të tjera për emisionin ‘Porta a Porta’”, tha Basha.
