Rama e krahason veten me Ronaldon/ Ata që janë në sheshe nuk janë populli, por…

Kryeministri Edi Rama ka krahasuar veten e tij me yllin portugez, Cristiano Ronaldo. i pranishëm në emisionin “Porta a Porta, të Bruno Vespas në RAI, Rama iu referua akuzave të kreut demokrat, sipas të cilit paratë e drogës kanë blerë pushtetin.

Rama tha se për çështjen e kanabisit, raportet më të besueshme janë ato të Guardia Di Finanza, që sipas tij tregojnë luftën reale që është bërë me drogën.

Ndërsa e cilësoi Bashën “mikun e tij“ me të cilin bëri marrëveshjen 18 majit, Rama tregoi dy pika të marrëveshjes me kreun demokrat, që kishin të bënin me njohjen e rezultatit të zgjedhjeve dhe me mos prishjen e imazhit të Shqipërisë në botë.

“Dy gjëra bëmë në marrëveshjen me mikun tim lider të opozitës. Kush fiton qeveris dhe kush humbet do bëj opozitë. Ndërkohë që pika e dytë ishte nuk fltet keq për Shqipërinë në gjuhë të huaj”, tha Rama.

Kryeministri sqaroi dhe zëvëndësimin e mandateve dhe kërkesën e opozitës për largimin e tij. Ai e krahasoi situatën me skuadrën e Juventusit dhe veten e tij me Ronaldon.

LEXO EDHE  FOTO/ Përmbyset trajleri, shoferi hidhet nga makina në sekondat e fundit

“Ata u larguan nga parlamenti, dhe thanë që kryeministri duhet të largohet. Pra Juventusi duhet të largohet dhe të krijohet një skuadër e re pa Kristano Ronaldon. Pra ata u larguan nga Parlamenti, ndërkohë që deputetët po zevëndësohen me pasuesit në lista. Në qershor janë zgjedhjet, por ata kanë bërë të njëjtën gjë edhe në zgjedhjet e shkuara. Sipas sondazheve të mia janë me keq se opozita e juaj”, tha Rama.

Referuar protestës së opozitës, Rama tha se ata që janë në sheshe nuk janë populli.

“Njerëz të tillë, që jetojnë në gjendje të keqe ekonomike  ka edhe në Itali, por ata që janë në shesh nuk është populli por janë një grup i vogël i esblishmentit. Dua t’ju them se ajo që shihni nuk është një revoltë e popullit”, tha Rama.