Katër deputetët e LSI-së që pranuan të marrin mandatet, u duartrokitën nga ligjvënësit socialist gjatë betimit në seancë plenare, ndërkohë që mijëra protestues të mbledhur para Kuvendit i quanin tradhëtarë.
Po sot, Kuvendi miratoi pr/vendimin duke i angazhuar ligjvënësit më të rinj në Komisionet Parlamentare.
Deputeti Ylli Shehu do të jetë pjesë e Komisionit të Sigurisë; Enver Roshi , anëtar në komisionin për Punën, Çështjet Sociale dhe Shëndetësinë dhe në komisionin për Edukimin dhe Mjetet e Informimit Publik; Aurora Mara do te jetë pjesë e komisionit për Integrimin Europian dhe në komisionin për Çështjet Ligjore, Administratën Publike dhe të Drejtat e Njeriut, kurse Edmond Rrushi caktohet anëtar në komisionin për Ekonominë dhe Financat dhe në komisionin për Sigurinë Kombëtare.
PROJEKTVENDIM “PËR DISA NDRYSHIME NË VENDIMIN NR. 90/2017
“PËR CAKTIMIN E ANËTARËSISË SË KOMISIONEVE TË PËRHERSHME TË KUVENDIT” TË NDRYSHUAR””
Në mbështetje të nenit 78, pika 1 të Kushtetutës, neneve 55, pika 1 dhe 21, pika 2 të Rregullores së Kuvendit, me propozimin e Konferencës së Kryetarëve,
KUVENDI i REPUBLIKËS SË SHQIPËRISË VENDOSI:
Në vendimin e Kuvendit nr. 90/2017 “Për caktimin e anëtarësisë së komisioneve të përhershme të Kuvendit” bëhen këto ndryshime:
Deputeti Ylli Shehu caktohet anëtar në komisionin për Sigurinë Kombëtare dhe në komisionin për Veprimtaritë Prodhuese, Tregtinë dhe Mjedisin.
Deputeti Enver Roshi caktohet anëtar në komisionin për Punën, Çështjet Sociale dhe Shëndetësinë dhe në komisionin për Edukimin dhe Mjetet e Informimit Publik.
Deputetja Aurora Mara caktohet anëtare në komisionin për Integrimin Europian dhe në komisionin për Çështjet Ligjore, Administratën Publike dhe të Drejtat e Njeriut.
Deputeti Edmond Rrushi caktohet anëtar në komisionin për Ekonominë dhe Financat dhe në komisionin për Sigurinë Kombëtare.
Ky vendim hyn në fuqi menjëherë.
Miratuar datë 05.03.2019
