Është tensionuar situate mes një grupi protestuesish dhe forcave të rendit që kanë marrë në mbrojtje Kuvendin.
Protestuesit dhe policët janë shtyrë mes tyre, ndërsa janë hedhur disa kapsolla në drejtim të forcave të rendit.
Situata paraqitet më e tensionuar në hyrjen anësore të Kuvendit, pranë Akademisë së Skencave, nga ana e pedonales.
Ndërkohë Kryetarja e LSI-së, në fjalën e saj, tha se Rama duhet të ikë, pasi shkatërroi të ardhmen e shqiptarëve.
“Rama, varfëroi ekonominë shqiptare, varfëroi shqiptarët, i detyroi të iknin në emigrim, vetëm e vetëm për të pasuruar 5 njerëz.
Ai Parlament që sot është krenaria e Edi Ramës, do të jetë turpi i shqiptarëve”, tha Kryemadhi.
Kryemadhi tha se sot Edi Rama është i vetëm, pasi shumica e shqiptarëve janë në këtë shesh.
“Në atë sallë nuk ka as burra dhe as gra që të mbajnë në supe peshën e tradhëtisë”, tha Kryemadhi.
