Taulant Balla, kreu i Grupit Parlamentar socialist, nuk ka nguruar ti quajë huliganë, protestuesit që kanë rrethuar Parlamentin.
Në një sallë të mbushur me deputetë të PS-së, e ngjashme me Parlamentin e 1991 kur fitonte PPSH dhe atë të 1997-ës, Balla tha se mandate do të vazhdojë deri në 2021.
Balla akuzoi PD se është përgjegjëse për firmat piramidale, për grushtin e shtetit të 1998 apo për situatën e krijuar tani me djegien e mandateve, por harroi të përmendte revolucionin Bolshevik të 1997 të udhëhequr nga drejtuesit e PS-së, vrasjen e heroit të demokracisë Azem Hajdari gjatë kohës që vendi qeverisej nga socialistët, apo kanabizimin e vendit.
Taulant Balla iu drejtua deputetëve socialistë me një fjalim duke tentuar të mbajë lart moralin, në një kohë që shumë prej tyre duket se e kishin mendjen se si do të dilnin nga salla e Kuvendit, ku mijëra qytetarë kërkojnë dorëzimin e asaj që i konsiderojnë si mandate të krimit dhe të bandave.
Balla e cilësoi dorëzimin e mandateve të deputetëve nga opozita të lidhur me reformën në drejtësi. Madje Balla mori edhe rolin e rokurorit special kur tha se me ngritjen e SPAK drejtuesit e opozitës nuk do të jenë në sallën e Kuvendit.
