Nga Gjirokastra, ku po zhvillon turin “Bashkia që duam”, Kryeministri Edi Rama, ka komentuar vendimin e deputetëve të opozitës për dorëzimin e mandateve të tyre.
Rama tha se demokratët u tradhëtuan nga përfaqësuesit e tyre në mënyrë të habishtme duke dorëzuar mandatet.
Referuar deputetëve të opozitës, Kryeministri Rama theksoi se ata nuk janë bërë popull por thjesht kanë tradhëtuar popullin që i ka zgjedhur për tu përfaqësuar.
“Dua t’u them demokratëve se kjo s’ka lidhje me ato që thuhet, por ato që dihen. Së pari ata e dinë shumë mire që ne nuk kanë asnjë shans që të na mundin dhe e thonë dhe vete. Së dyti Lulzimi se përballon sot një humbje tjetër se edhe ata që e mbajnë, se edhe ai që e ka caktuar aty, s’do duronte dot një humbje tjetër dhe thotë më mirë iki fare.
Ata janë në panik sepse e shohin që s’kanë asnjë mundësi të pengojë drejtësisë, dhe e dinë se drejtësia e re ka disa punë me ta”, tha Rama.
Sipas tij, nuk ka asnjë shans që opozita të tërheqë popullin në rrugën e destabilzimit dhe më pas të zhduken mes mjegullës.
Rama theksoi se rrugën e Shqipërisë për të ecur para se hedhin dot në erë, por nga veprimet e tyre dëmtohen njerëzit e zakonshëm, ata që kanë me biznes, që merren me tregti, dëmtohen konsumatorët.
“Shumë njerëz do e kuptojnë se politika e përçarjes dhe e dëmtimit të imazhit të vendit nuk është ajo që sjell përfitim për të mirën e vendit. Rruga e drejtë është ajo e të qëndruarit të detyrën e vet”, theksoi Rama.
Sipas tij, qeveria është përpjekur të qeverisë bashkë me njerëzit.
