Krimet e Rënda zgjatën edhe me 3 muaj hetimet për ish-drejtorin e Policisë së Vlorës, Jaeld Cela. Mbi këtë të fundit kanë nisur hetimet me dyshimet se garantonte grupin e Habilajve në trafikun e drogës. Gjykata e Krimeve të Rënda kishte rrëzuar një ditë më parë kërkesën e Çelës për mbylljen e hetimeve, ndërsa ish-zyrtari i lartë i policisë është në arrati.
Gjithsesi fakti që është në arrati, nuk e ka penguar Çelën që përmes avokatit të tij të ankimojë zgjatjen e hetimeve.
Për Çelën, Gjykata e Krimeve të Rënda, ka vendosur masën e sigurisë me burg, por operacioni policor rreth 1 vit më parë dështoi, pasi asnjë prej personave që do të arrestoheshin nuk arriti të kapej.
Ish-drejtori i Policisë ka mbajtur në përdorim 3 numra telefoni, në të cilat rezulton se ka komunikuar me Florian Habilajn dhe Gentian Cekën, që është shoferi i ish ministrit të Brendshëm Saimir Tahiri.
