Trump uron për Nevruz, por…

Presidenti i SHBA, Donald Trump, ka uruar Iranin dhe të gjithë besimtarët në botë për festën e Sulltan Nevruzit.

“Një Nevruz të bukur dhe të bekuar”- ka uruar Trump.

Teksa shpreh urimet për popullin e Iranit në veçanti, Trump nuk ka lënë pas as akuzat e tij, duke e quajtur qeverinë të korruptuar.

“Historia e Nevruz-it është e rrënjosur në Iran, ku për mijëvjeçarë një komb krenar ka kapërcyer sfida të mëdha nga forca e kulturës së saj dhe elasticitetit të popullit të saj. Sot, Irani po përballet me një tjetër sfidë, qeveritarët të cilët i shërbejnë vetvetes në vend që t’i shërbejnë popullit”- ka thënë Trump në urimin e tij.

Madje ai i quajti trupat e Gardës Revolucionare Islamike si një “ushtri armiqësore që brutalizon dhe vjedh nga populli iran për të financuar terrorizmin jashtë vendit”.

LEXO EDHE  Ministri i Financave në Angli: 'Hani jashtë' për të mbështetur restorantet

Ai shtoi se këto trupa kanë shpërdoruar pasurinë e Iranit për të mbështetur “regjimin e Asadit dhe mbështetur militantët dhe terroristë në Siri, Iran dhe Jemen sesa iranianët e zakonshëm të cilët luftojnë ekonomikisht dhe e kanë të pamundur të festojnë festat si Nevruzi”.

“Mashtrimi është bërë një politikë zyrtare shtetërore. Për të fshehur të vërtetën, sundimtarët e Iranit shtypin të drejtat e qytetarëve të tyre për të pasur një asamble të lirë, qasje në informata dhe mundësi të barabarta”- shkruan Trump.

Si kundërpërgjigje ndaj Trump, por pa cilësuar emrin e tij, Ministri i Jashtëm i Iranit Mohammad Javad Zarif përmes një postimi në Twitter shkroi se:

“Me mijëvjeçarë të civilizimit, iranianët kanë thellësinë historike për të injoruar fyerjet absurde të një udhëheqësi të rrugës”.


PËRGJIGJU

Please enter your comment!
Please enter your name here