Pas shembjes së një masivi shkëmborë në aksin Elbasan-Tiranë, që bllokoi qarkullimin në drejtim të kryeqytetit, janë vënë në lëvizje, ARRSH-në dhe subjektin që bën mirëmbajtjen e rrugës.
Nga Autoritetit Rrugor Shqiptar, mësohet se ekspertët kanë shkuar në vendin e ngjarjes dhe raportojnë se situata është mjaft serioze. Heqja e masivit shkëmbor të shembur, mund të sjellë një tjetër rrëshqitje dhe shembje të malit.
Të gjendur në një situatë të tillë, ARRSH, ka çuar në vendin e ngjarjes një grup gjeologësh që po punojnë për gjetjen e një zgjidhjeje.
Mësohet se hapja e rrugës mund të bëhet shumë shpejt pas spostimit të dherave dhe pastrimit të rrugës, por ka një frikë të madhe sepse ekspertët thonë që edhe pjesa tjetër e malit rrezikon shembjen. Prandaj duhet me çdo kusht një vlerësim i plotë i situatës, sepse nxitimi për hapjen e rrugës mund të sillte pasoja të tjera edhe më të mëdha. /CityNews
