Më në fund Petrit Vasili ka lajmëruar se pas 8 vitesh në pushtet, forca politike që ai drejton do të bëjë opozitën. “Jo të kapur dhe jo të blerë” tha ai duke shigjetuar opozitën e PD. “Këto ishin zgjedhjet më të shëmtuara dhe ne e kemi të dokumentuar këtë shëmti” tha ai. Edhe njëherë Vasili denoncoi policinë e shtetit për vjedhjen e zgjedhjeve si dhe paratë e mëdha që u hodhën për blerjen e zgjedhjeve. “230 votat tona janë 230 mijë mesazhe që ne mos i gënjejmë mbështetësit tanë” këmbënguli ai duke vënë disa herë theksin se opozita 4 vjeçare e PD-së ishte e shitur.
Por Vasili i cili ka thënë se ka me mijra prova për manipulimin e zgjedhjeve nuk pranoi të komentojë deklaratën e Metës se si president ai nuk do të dekretojë qeveri që vijnë nga vjedhja e votave. Megjithëse para konferencës u hapën zëra se LSI do të shpallte mosnjohjen e këtyre zgjedhjeve, kjo konferencë u bë më tepër për të shpallur kalimin e LSI-së në opozitë.
Kreu i LSI-së përdori terma si “nacional- socialistë” apo “Gestapo” për qeverinë aktuale ku bën pjesë prej 4 vitesh.
