Kryeministri Edi Rama ka dalë hapur në mbështetje të kryedemokratit Lulzim Basha, teksa ky i fundit po përballet me një presion të madh brenda forcës së tij politike, pas humbjes së 25 qershorit. Duke folur tek fjalimi falenderues, Rama e cilësoi Bashën si një lider europian i cili vuri Shqipërinë mbi partinë.
“Shqipëria ka folur troç, shqiptarët kanë vendosur me një votë qartësisht kuq e zi. Ata kanë zgjedhur të ardhmen dhe na kanë thënë të gjithëve që Shqipëria që duam është mbi të majtën dhe të djathtën. Falenderoj sot Bashën për faktion se në 18 maj vuri Shqipërinë të parën. Fushata ka mbaruar, shqiptarët na kanë shikuar dëgjuar, duruar dhe e kanë bërë zgjedhjen e tyre. Tani është koha për të vënë veten tonë në dispozicion të tyre, Shqipërinë përpara partisë, dhe shqiptarët pa dallim përpara dallimeve politike apo hendeqeve tradicionale apo të porsahapura mes nesh.” – u shpreh Rama.
