Ish-kryeministri Berisha duke akuzuar Edi Ramën si kreun e bandave kriminale në vend, tha se shefi i qeverisë e ka të mbushur “celularin me mesazhe të Balilit, të Dritan Dajtit, të Lul Berishës, madje duke u kryer edhe punë atyre”.
“Këto janë absolute të vërteta dhe mos kini merak se do të vijë shpejt dita e do të dalin në dritën e diellit. Por ju as do të skuqeni dhe as do të zverdheni. Edi Rama ka komunikim direkt me banditët. Janë të regjistruara. Nuk e keni dëgjuar në mënyrë të përsëritur që i vetmi politikan sot në Shqipëri që është akuzuar pulibkisht nga biznesmenë se u ka kërkuar nga 600 mijë e 1 milion euro. Por tani është në regjistrim në shiri, është regjistruar në shirit duke kërkuar shumë milionë”, tha në Kuvend ish-kryeministri Sali Berisha.
“Ai është banditi, mercenari politik. Ai ka kërkuar sot problemet më mëdha. Merrni dy gjëra. Ka një paralelizëm si kurrë ndonjëhërë ndërmjet vizitave Tiranë – Beograd më të shpeshta se në vitet ‘46 – ‘47. Merrni ju marrëdhëniet me Kosovën, më të këqia se asnjësherë dhe të tilla janë marrëdhëniet me fqinjët. Pse janë? Sepse Rama është bandit dhe banditi ka vetëm interesa bande. Shih raportin me SHBA, marrëdhënien me jetike për vendin, Kosovën dhe rajonin.
Rama është kreu i bandave. E kam denoncuar këtu kur i thoshte gjykatësja e Durrësit: “Ti je rrugaç” se i thoshte “unë të pres këmbët!”. A keni dëgjuar ndonjëherë ju t’i thuhet gjykatëses 30 vjet në profesion: “Unë t’i pres këmbët?!”Pse? Se duhet të mbante në burg me çdo kush një fukara që nuk paguante faturën e energjisë!
Edi Rama është bandit sepse rezulton nga ato që thotë ministri se ka shkelur çdo rregull në përdorimin e pasurive të vendit, ka shpërfillur çdo oponencë të Ministrisë së Drejtësisë”, tha Berisha.
“Ministria e Drejtësisë është kthyer në varrmihësen e ministrave. Vasil, ku je?! Atje do të përfundosh dhe ti!
Është një kolektiv që jeton nga mëngjesi në darkë me ligjin dhe atje e kanë të vështirë të devijojnë. Ajo është shndërruar në një varrmihëse të ministrave sepse kreu i bandave s’mund ta pranojë ligjin.
Edi Rama është kreu i bandave, janë lidhjet e tij me Emiljano Shullazin. Ai e dini ju që këto kërcënimet, firmosjet në Hipotekë me revole tek koka i kam denoncuar unë këtu në Parlament.
A e shihni gjyqin e atij shqiptarit të ndershëm që po tund Shqipërinë me dëshminë e tij? Në atë aferë është përfshirë direkt Edi Rama po këtë herë është përfshirë me ata të Hakmarrjes për Drejtësi!
Sapo doli puna e Eskobarit, puna e parë që bënë është se i organizuan konferencën e shtypit që të akuzonte Sali Berishën, në vend që ta arrestonim.
Kur ministri i Drejtësisë kërkoi arrestimin, i hëngri kokën për të shpëtuar. Kjo është organizatë kriminale”, tha Berisha më tej, duke ftuar qytetarët në protesta masive për largimin e Ramës nga pushteti.