Lidhur me akuzat e Ylli Manjanit se Rama firmos vendime qeverie pa u mbledhur kjo e fundit, PD ka kërkuar sot mocion mosbesimi. Sipas deputetes Jozefina Topalli mungesa e ministrave të PS dhe LSI, kryeministrit dhe kryeparlamentarit Meta sot në seancë plenare tregon se qeveria ka rënë.
“Ministrat e LSI-së s’kanë ardh…Qeveria ka rënë. S’merrem me numra unë 71 etj. Kërkojmë mocion mosbesimi me debat për një skandal…Situatë anormale, banditeske…Akuzat a ishin të ministrit të këtyre? Ku janë? Kanë frikë të përballen…”, tha Topalli, teksa tha se Rama ka shkarkuar për hakmarrje personale personalitete të artit si Saraçin, Zhulalin dhe Kaçinarin.
“Njeriu që ka mbaruar Akademinë e Arteve, – thirri Topalli me zë të lartë, – shkarkon tre kompozitorët më të mëdhenj të Shqipërisë, tre mjeshtrat më të mëdhenj, më të dashur. Dhe e dini cilët: Shpëtim Saraçin, Edmond Zhulalin, Alfredi Kaçinarin! Po deri këtu duhet të shkojë hakmarrja e këtij?! – tha Topalli.
