Ja pse efektivi i policisë grabiti taksistin, flet babai i autorit

Ka qenë varfëria dhe ndarja me gruan, arsyet pse e kanë bërë punonjësin e repartit FNSH të Fierit të grabiste një taksist, video e cila bëri bujë. Sipas babit të autorit këto arsye e kanë çuar të riun 30 vjeccar të kryente një akt të tillë.

Eduart Budini, 30­vjeçari i cili u ndalua dje në Gjirokastër për llogari të Policisë së Tiranës, pasi dyshohet të jetë autor i grabitjes së taksistit H.H., është.

Ja kush ishte efektivi i policisë:

Ai është i martuar dhe baba i një vajze të mitur. Punonjësi i Policisë në Repartin e Forcës së Ndërhyrjes së Shpejtë të Fierit, ishte i emëruar me detyrë në Dragot të Tepelenës. Budini, nga qyteti i Këlcyrës, pjesë e Policisë së Shtetit, ka shërbyer si pjesë e Sektorit të Komandove në Forcat e Armatosura i rekrutuar në Policinë e Shtetit dy vite më parë.

LEXO EDHE  Shkarkimi i Artan Shkëmbit, PD: Rama bashkëqeveris me krimin, policia dhe SHISH nuk funksionojnë

Babai i tij, Feti Budini tha se ai kishte aplikuar edhe për t’u bërë pjesë e repartit RENEA, por nuk kishte arritur. Eduart Budini jeton në Këlcyrë dhe gjendja e tij ekonomike është e vështirë, përfshirë edhe problemet familjare që ai ka, pasi ishte në proces ndarjeje me gruan.

I ati tregon se ai është i ardhur në Këlcyrë nga fshatrat e thella të Përmetit dhe jeton aty prej disa vitesh së bashku me familjarët e tjerë. Feti Budini, i ati i Eduartit, tregon se djali i tij ka qenë korrekt me shtetin dhe kurrsesi nuk do ta ndërmerrte një hap të tillë të dënueshëm. Ai nuk përjashton asgjë, ndonëse i vjen keq që i biri i tij është shndërruar në një person të rrezikshëm.



PËRGJIGJU

Please enter your comment!
Please enter your name here