Presidenti Ilir Meta është shprehur se Gjykata Kushtetuese është “vija e kuqe” dhe për këtë nuk duhet të ngrihet në mënyrë antikushtetuese.
Gjatë konferencës së sotme, Meta u pyet nga gazetarët lidhur me deklaratën e mëparshme se Presidenti “me një dekret mund të shpërndajë parlamentin”.
Kreu i shtetit u përgjigj: “Jam shumë i qartë që garantuesja e Kushtetutës është Gjykata Kushtetuese, pastaj Presidenti e kështu me radhë, por Gjykata Kushtetuese është mbi të gjithë. Parlamenti a shpërndahet me një dekret? Po. Presidenti shkarkohet? Po. Nga një parlament legjitim dhe në fund e shkarkon Gjykata Kushtetuese edhe Gjykata Kushtetuese është më e rëndësishme se vet Presidenti. Qeveria rrëzohet? Po me një mocion mosbesimi. S’ka mbi Gjykatën Kushtetuese, kjo është vijë e kuqe që mbron popullin shqiptar, një Gjykatë Kushtetuese e zgjedhur në mënyrë antikushtetuese, mafioze, kërcënon të drejtat kombëtare, demokratike e kushtetuese”.
Lexo edhe: Meta: Nëse kapin Kushtetuese, njerëzve u mbetet të marrin armët…
Lexo edhe: “S’m’u duk në rregull”/ Meta i përgjigjet Ramës. Paralajmëron hetim ndërkombëtar
Lexo edhe: Kushtetuesja/ Presidenti Meta kallëzon penalisht Dvoranin e KED
