Presidenti Ilir Meta ka njoftuar se do të depozitojë në prokurori kallëzim penal ndaj kreut të KED Ardian Dvorani. Kallëzimi lidhet me procedurën e vakancave të anëtarëve të Gjykatës Kushtetuese nga Këshilli i Emërimeve në Drejtësi. Sipas Metës, Dvorani ka shkelur ligjin.
“Dëshiroj t’iu bëj të ditur vendimin tim si President i Republikës dhe kryetar i shtetit për të paraqitur ditën e hënë kallëzim penal si President kundër zotit Ardian Dvorani me detyrë kryetar i KED. Unë si President i Republikës dhe kryetar i shtetit e akuzoj për këto vepra penale: Shpërdorim detyre dhe përvetësim i titullit apo detyrës shtetërore”, tha Meta në një deklaratë për mediat nga Presidenca.
“Për veprën penale të përvetësimit të titulli apo detyrës dënohet me gjobë ose deri në dy vite burg. Kryerja e veprimeve apo mos veprimeve që ushtron funksionale publike dhe kanë dëmtuar interesat e shtetit dënohet me burgim deri në 7 vite. Kemi parasysh shpërdorimi i detyrës, kryerja apo mos kryerja me dashje e veprimeve apo veprimeve në kundërshtim me kushtetutën është e rëndë. Në këto kushte i njohur me këto fakte. Dorëzimin do ta bëjmë ditën e hënë për të shqyrtuar për prova të tjera apo persona të tjerë që mund ta meritojnë të merren në përgjegjësi penale. Prokuroria të tregojë integritet, pasi një ditë do të bëhet i pashmangshëm. Ai vendim që ishte botuar në 22 shtator që ishte thjeshtë për njoftimin për pikëzimin dhe që është ribotuar sërish. Prokuroria të hetojë dhe dokumentacionin mes KED-së dhe Kuvendit që të shmangë zonja Vorpsi si e vetëshpallur dhe të zgjidheshin dy zonjat e tjera”, shtoi.
Si më herët, Meta ka shpjeguar edhe shkeljet që ka bërë KED me procedurën e vakancave për Kushtetuesen.
Më herët gjatë kësaj të premteje, Gjykata Kushtetuese i dha të drejtë Metës, duke njoftuar se është “duke ndërmarrë të gjitha hapat e nevojshme administrative formale për fillimin e detyrës së tri anëtarëve të rinj, pas betimit të tyre para Presidentit të Republikës”.
Lexo edhe: Meta: Nëse kapin Kushtetuese, njerëzve u mbetet të marrin armët…
Lexo edhe: “Parlamenti mund të shpërndahet, qeveria mund të bjerë”/ Meta tregon vijën e kuqe
Lexo edhe: “S’m’u duk në rregull”/ Meta i përgjigjet Ramës. Paralajmëron hetim ndërkombëtar
