Policia e Shtetit, përmmes rrjeteve sociale, i ka drejtuar një apel drejtuesve të mjeteve që të respektojnë rregullat e qarkullimit dhe të mos fluturojnë në rrugë.
Policia ka ushtruar kontrolle në Bypass-in e Fierit, atje ku janë instaluar makina inteligjente dhe radari automatik, të cilët skanojnë shpejtësinë në të dy krahët e lëvizjes Fier-Vlorë dhe Vlorë-Fier.
“Shpejtësi që arrin deri në 190km/h. Drejtues mjetesh, mos fluturoni në rrugë por zbatoni rregullat e qarkullimit rrugor.
Në të gjitha rrugët e vendit ka makina inteligjente, radar automatik, kamera, dron e aparat fotografik që përdoren nga punonjësit e Policisë Rrugore.
Mbroni jetën duke respektuar rregullat e qarkullimit rrugor”, thuhet në njoftimin e Policisë.
