Mëngjesin e sotëm trupi i pajetë i Petraq Gjikës u u gjet brenda serës në fshatin Mbrostar Ura.
Prej disa kohësh viktima punonte si roje nate dhe sipas burimeve, ishte vëllai kryeplakut të fshatit.
Ngjarja u zbulua rreth orës 06:40 nga banorët e zonës.
Mirëpo, në të shkuarën Gjika ka qënë i përfshirë edhe në një ngjarje tjetër. Më 4 korrik të 2018-ës, ai u qëllua me thikë brenda një lokali.
Në atë kohë, Gjika pësoi lëndime në dorë dhe bark. Shkak i plagosjes u bë vendi i punës i Gjikës. Në atë kohë, 67-vjeçari kishte filluar punë si roje nate në një lokal, ku më parë punonte në të njëjtin pozicion autori i dyshuar i plagosjes. Ky i fundit mori hak duke e plagosur.
Nuk dihet arsyeja e vrasjes së Gjikës, mirëpo grupi hetimor ka nisur punën për të bërë zbardhjen e plotë të ngjarjes.
NJOFTIMI
Sot rreth orës 06:40, në fshatin Mbrostar Ura, Fier, në afërsi të serave është gjetur pa shënja jete (dyshohet i vrarë me mjet prerës), shtetasi P. Gj., 67 vjeç, banues në Daullas, i cili ka qënë i punësuar roje te serat.
Në vendngjarje ka shkuar grupi hetimor dhe po punohet për zbardhjen e kësaj ngjarje.
