Forcat speciale RENEA kanë zhvilluar një aksion kontrolli gjatë ditës së sotme në Elbasan dhe Peqin ku kanë shoqëruar rreth 10 persona të cilët dyshohet se kanë lidhje me të penduarin e drejtësisë, vrasësin me pagesë Nuredin Dumani.
Kontrollet kanë qenë në kuadër të operacionit “Plumbi i artë”, pasi ka pasur informacione mbi vendndodhjen e të shumëkërkuarit, Talo Çela i cili po ashtu si Dumani dyshohet si i përfshirë në vepra të ndryshme kriminale të kryera me pagesë.
Pavarësisht marrjes së informacioneve për vendndodhjen e tij policia sërish nuk ka mundur të kapë Talo Çelën, pasi edhe aksioni i rradhës nuk ka rezultuar frytdhënës.
