Zona e Yzberishtit do të jetë pa ujë të pijshëm nga mesnata deri në orën 14:00 të së shtunës, për shkak të punimeve në rrjet.
Lajmi njoftohet nga Ujësjellës Kanalizime Tiranë që sqaron se për shkaqe të rregullimit dhe punimeve që po bëhen në tubacionet e zonës në fjalë, do të ketë ndërprerje të furnizimit me ujë.
“Ujësjellës Kanalizime Tiranë, njofton banorët e zonës së Yzberishtit se për shkak të punimeve që do të kryhen për vënien në punë të linjës së re të furnizimit me ujë të pijshëm, nga sot pas mesnate deri nesër në orën 14:00, do të ketë kufizime të furnizimit me ujë në këtë zone.”, shkruhet në njoftimin e UKT.
