Kreu i SPAK, Arben Kraja ka deklaruar se mes të arrestuarave nga operacioni i SPAK ditën e sotme është dhe shefi i krimeve në Komisariatin e Policisë Lezhë, Leonard Palushi.
Në konferencën për mediat, ku dhanë detaje të operacionit bashkë me drejtorin e Policisë Gledis Nano, Kraja tha se ndaj Palushit është ngritur akuza e shpërdorimit të detyrës.
Ndër të tjera Kraja u shpreh se nuk mund të japë detaje lidhur me implikimin e tij, për sa kohë hetimet janë në zhvillim.
Sot SPAK lëshoi disa urdhër-arreste, për persona, që dyshohet se janë implikuar në ngjarje të rënda kriminale.
