Banorët e një lagjeje në Kukës kanë në protest pasi kërkojnë që në zonën e tyre të investohet nga Bashkia e Kukësit. Ata shprehen për mediat se kryebashkiaku Safet Gjici është në dijeni të situatës së rrugëve që sipas tyre janë në gjendje të mjerueshme, por nuk ka bërë asgjë. Bëhet fjalë për zonën ‘Lagjia e re’.
“Kabul,”- thotë një banor.
“Kemi dalë vetëm të bëhet rruga, vijnë e shtrojnë një makinë zhavorr dhe ikin. Rruga katastrofë prej 20 vitesh,”- thotë një tjetër banor.
“Fëmijët dalin në mëngjes për shkollë dhe bëhen gjithë baltë. I nisim me atlete të bardha dhe shkojnë te shkolla zi,”- vijon dikush më tej.
“Shihet vetë rruga. Jo me shtru çakull sa herë ka fushatë,”- shton dhe një tjetër.
Vetë kryebashkiaku i Kukësit Safet Gjici tha se është njohur me problematikën e se kjo gjë ndodh në shumë rrugë të Kukësit, duke shtuar se ka një plan për t’i marrë me radhë këto gjëra.
“Si rrugët aty janë shumë rrugë jo vetëm në qytet por edhe në njësi administrative. Ka një plan që do të bëhen me radhë gjërat,”- tha Gjici.
