Është bllokuar sot në mëngjes tuneli në autostradën që lidh Tiranën me Elbasanin.
Një makinë është djegur e për pasojë janë krijuar shtëllunga të mëdha të tymit.
Automjeti ka shpërthyer në flakë, teksa lëvizte nga Tirana në drejtim të qytetit të Elbasanit. Dyshohet se mjeti ka pësuar defekt teknik.
Kjo ngjarje ka bërë që të paralizohet edhe kalimi i automjeteve të tjera në këtë rrugë.
Nuk raportohet deri më tani për persona të lënduar.
