Ish-deputetja e Parlamentit Europian, Doris Pack shprehet se Yuri Kim po ndërhyn në proceset gjyqësore në Shqipëri dhe i kujton se kjo është e paligjshme.
Në një reagim në Twitter, ish-deputetja e Bundestagut e cilëson një sjellje të tillë diktatoriale.
“’Ambasadore’, ju po ndërhyni në proceset gjyqësore kombëtare. Kjo është e paligjshme për çdo shtetas shqiptar si dhe për një mysafir në vend. Sjellje të tilla i shohim nga diktatorët. Turp të kesh”, shkruan Presidentja e shoqatës “EPP Women”.
“Ambassador”, you are interfering in national legal proceedings. This is illegal for any Albanian citizen as well for a guest in the country.Such behavior we all know from dictators. Shame on you.
— Doris Pack (@DorisPack2) April 23, 2022
Postimi vjen në përgjigje të një “cicërime” të mëparshme të Yuri Kim.
1/3 “Nëse të “ndërhysh në procese gjyqësore” do të thotë të nxisësh gjykatësit & prokurorët të bëjnë punën e tyre pavarësisht kërcënimeve apo shtysave, të bësh të qartë se 🇺🇸 do vazhdojnë të mbështesin zbatimin e reformës në drejtësi në 🇦🇱… https://t.co/hEs67GZ173
— USEmbassyTirana (@USEmbassyTirana) April 22, 2022
“Nëse të ‘ndërhysh në procese gjyqësore’ do të thotë të nxisësh gjykatësit e prokurorët të bëjnë punën e tyre pavarësisht kërcënimeve apo shtysave, të bësh të qartë se do vazhdojnë të mbështesin zbatimin e reformës në drejtësi në Shqipërisë”, do të shprehej Kim në një replikë me ish-kryeministrin Sali Berisha, i cili e akuzoi se po ndërhyn në procesin gjyqësor për PD-në.
Ish-kryeministri Sali Berisha nuk u tërhoq nga akuza, madje këtë të Shtunë deklaroi se do njoftojë autoritetet amerikane për “shkeljet” e Yuri Kim.
