Ish-ambasadorja amerikane në Tiranë, Yuri Kim, e shkarkuar së fundmi nga Departamenti Amerikan i Shtetit, ka njoftuar në rrjetet sociale se ka nisur një punë të re si drejtore ekzekutive në kompaninë ExxonMobil.
Puna e re ka ngritur pikëpyetje të forta për lidhjet e mëparshme të Yuri Kim me Shqipërinë dhe interesat e kompanisë që tashmë e ka punësuar. Kjo për faktin se në mars të vitit 2021, kohë kur ajo ishte e akreditur si ambasadore e SHBA në Tiranë, Yuri Kim ishte pjesë e nënshkrimit të një Memorandumi Mirëkuptimi mes qeverisë shqiptare dhe kompanive ExxonMobil dhe Excelerate Energy për futjen e gazit të lëngshëm natyror (LNG) në Shqipëri.
Më konkretisht, këto kompani janë të lidhura me termocentralin e Vlorës, një projekt që ka konsumuar miliona euro nga buxheti i shtetit shqiptar pa prodhuar asnjë kilovat energji.
Siç duket, Yuri Kim ishte pjesë e një agjende të përcaktuar qartë që ti shërbente regjimit të Ramës dhe vendosjes së kontrollit të kësaj qeverie mbi drejtësinë.
Emri i Yuri Kim u bë i njohur në Shqipëri jo vetëm si përfaqësuese e Shteteve të Bashkuara, por për ndërhyrjet e shpeshta dhe jashtë tagrit të saj në politikën e vendit. Për opinionin publik shqiptar, Yuri Kim u perceptua si një zëdhënëse e interesave të George Soros dhe rrjetit të tij ndërkombëtar, duke mbështetur qeverinë e Edi Ramës dhe duke goditur kundërshtarët politikë të saj.
Gjatë mandatit në Tiranë, Yuri Kim u përfshi hapur në debate politike të brendshme, duke dhënë deklarata që shpesh kapërcenin kufijtë e neutralitetit diplomatik. Kritikat më të mëdha ndaj saj lidhen me presionin e ushtruar mbi opozitën, që u konsiderua ndërhyrje në proceset demokratike të Shqipërisë.
