Festa e mbrëmjes së djeshme për banorët e “Big Brother VIP” ka mbledhur bashkë edhe stafin e Top Channel. Moderatorja Bora Zemani nuk ka shkuar në festë, por i gjithë stafi i emisionit që ajo drejton ishin pjesë e festës.
Pjesë e festimeve u bë edhe Donaldi dhe vëllai i tij Romeo, pavarësisht përplasjeve që u tha se kishin me produksionin pas fitores së Ilir Shaqirit.
Iliri dhe Donaldi u panë duke kërcyer me njëri tjetrit, teksa performonin këngëtarë të ndryshëm.
Nga ana tjetër e pranishme në festë ka qenë dhe këngëtarja Beatrix Ramosaj së bashku me vëllain e saj, Alban Ramosaj. Ndryshe nga të gjithë të tjerët, Trixa nuk ka pranuar të flasë për asnjë media, dhe aq të shoqërohet me ish-banorë.
Një detaj që ra në sy ishte largësia që kishte me Donaldin në festë. Ajo ka qëndruar me Alban Ramosajn, ndërsa Donaldi e ka kaluar kohën me Romeon dhe me miqtë e tij. Kjo ka bërë që Beatrix të largohet dukshëm e mërzitur nga situata në festë dhe duket se dyshja nuk janë më bashkë.
Me shumë mundësi ka një krisje të raporteve të tyre, ndërkohë që një gjë e tillë duket se konfirmohet nga Albani, i cili ka postuar një foto-video mbështetëse për motrën e tij.
