Interi luan ndeshjen e parë për vitin 2022 pas shtyrjes së sfidës me Bolognan dhe në një duel të vështirë me Lazion, nuk zhgënjen.
Zikaltërit të mbështetur edhe nga “San Siro” i mbushur ndoshta për herë të fundit pasi tani e tutje do të lejohen vetëm 5 mijë tifozë, arriti të merrte 3 pikë falë fitores 2-1 ndaj Thomas Strakoshës dhe Elseid Hysajt.
Pikërisht Strakosha ishte ndër më të mirët sonte pasi shmangu disa raste të pastra për gol për zikaltërit të cilët në fakt shpërdoruan shumë.
Sfida nisi me golin e Bastonit nga jashtë zone në 30 teksa në rastin e vetëm në pjesën e parë për Lazion, Immobile ndëshkoi vendasit duke vendosur barazpeshën,
Pjesa e dytë ishte dominuese për zikaltërit që tentuan më shumë dhe në 67’ ishte Skriniar që me kokë realizoi një golë me peshë që i dha Interit 3 pikët dhe kryesimin sërish në renditje 1 pikë më shumë se Milani dhe me 1 ndeshje më pak.
