Partizani rikthehet në shtëpi të shtunën. “Demat e kuq”, pas fitores së parë të arritur kundër Kastriotit, do kërkojnë vazhdimësinë në një ndeshje të vështirë kundër Laçit.
Ndeshja luhet prej orës 19:45 në “Air Albania Stadium” dhe klubi i kuq ka dalë me njoftim në lidhje me çmimet e biletave dhe ndarjet e sektorëve për të dyja tifozeritë.
“Ju njoftojmë se për këtë takim çmimet e biletave në tribunat respektive të “Air Albania Stadium” do te jenë: Biletat në tribunat qendrore: W101, W102, W103, W104 W105, W106, W107 do të kushtojnë 2 000 Lek (të reja).
Biletat në tribunat përballë: E104, E105, E106, do të kushtojnë 800 Lek (të reja)
Biletat në tribunat pas porte: N101, N102, N103, N104, N105, V101 V102, V103 do të kushtojnë 300 Lek (të reja)
Sektorët e rezervuar për tifozerinë mike do të jenë: W105, W106, W107, V101, V102, V103
Biletat do të mund t’i siguroni duke filluar nga dita e nesërme e në vazhdim ora 10:00 deri 19:00, në pikën e shitjes pranë stadiumit Selman Stërmasi”. /
