Një aksident ka ndodhur mbrëmjen e së dielës në aksin rrugor Korçë-Pogradec, ndërsa janë plagosur 3 persona, mes të cilëve dy fëmijë.
Aksidenti ka ndodhur në afërsi të fshatit Bulgarec. Një mjet i vogël është përplasur me nje kamion duke dalë nga rruga dhe si pasojë janë plagosur një grua dhe dy fëmijë.
Policia e Korçës njoftoi se aksidenti ndodhi mbrëmë më datë 7.11.2021, rreth orës 22:55, në aksin rrugor Korçë-Maliq, pranë fshatit Bulgarec të Korçës.
A. Sh., duke drejtuar mjetin tip “Benz”, ka goditur një kamion “Volvo”, i cili ishte i parkuar dhe për pasojë kanë marrë lëndime shtetasja D. Sh. dhe dy të mitur, pasagjerë në mjetin tip “Benz”, të cilët u dërguan në Spitalin e Korçës dhe ndodhen jashtë rrezikut për jetën.”
Humbja e kontrollit mbi automjetin dyshohet se ka ndodhur për shkak të çarjes së një prej gomave.
