Ish-ministri i Drejtësisë, Ylli Manjani, ka ironizuar Kryeministrin Edi Rama lidhur me vaksinimin.
E ndërsa Rama e nisi me vrull këtë proces, sot Shqipëria renditet në vendet e fundit, lidhur me numrin e popullsisë së vaksinuar, madje duke mbetur shumë pas Kosovës, e cila e nisi vaksinimin muaj më pas se Shqipëria, pasi i qëndroi fort faktit për të aplikuar vaksinat e certifikuara nga EMA dhe CDA, pa përfshirë atë kineze, e aplikuar në masë në Shqipëri.
Manjani në postimin e tij shkruan se Rama e nisi me vrull vaksinimin, raportonte shifra marramendëse, por kishte hallin e zgjedhjeve, pasi vaksina ishte loja.
“Ja pasoja! Të fundit e tabelës së vaksinimit.
Qeveria e vaksinave elektorale ama i fitoi zgjedhjet… Qëllimi ishin zgjedhjet. Vaksina ishte lojaaaa.
Tani në daç vaksinohuni në daç jo! Ska zgjedhje…
Ndërhohë vaksinat që janë gjendje mirë bëjmë t’i pijë qeveria sa janë akoma lëng”, shkruan Manjani.
Postimi nga Ylli Manjani
E mbani mend që e nisi me vrull vaksinimin?!
Ngriti çadër te sheshi Skënderbej. Raportonte shifra marramendëse vaksinimi. Ja kishte kaluar edhe Gjermanisë madhe…!!!
Po kur bëri show me temën “do takohem sy me sy” me atë të Phizerit?!
Po që do hapej një fabrikë e re vaksinash këtu?!
Dhe vu në radhë pensionistët e militantët për t’u vaksinuar elektoralisht…
Ja pasoja! Të fundit e tabelës së vaksinimit.
Qeveria e vaksinave elektorale ama i fitoi zgjedhjet… Qëllimi ishin zgjedhjet. Vaksina ishte lojaaaa.
Tani në daç vaksinohuni në daç jo! Ska zgjedhje…
Ndërhohë vaksinat që janë gjendje mirë bëjmë t’i pijë qeveria sa janë akoma lëng.
