Një ngjarje e rëndë raportohet të ketë ndodhur në Filadelfia, ku një grua është përdhunuar nga një person në një tren, ku të pranishëm ishin dhe pasagjerët e tjerë.
Punonjës i Autoritetit të Transportit Juglindor të Pensilvanisë, Timothy Bernhardt i tha se oficerët u thirrën në terminalin e Rrugës 69 rreth orës 10 pasdite të mërkurën, në lidhje me ngjarjen që ndodhi në trenin, i cili po udhëtonte drejt perëndimit në Linjën Market-Frankford.
“Kishte shumë njerëz, sipas mendimit tim, që duhej të kishin ndërhyrë; dikush duhet të kishte bërë diçka,” tha Bernhardt. ”
Mediat e huaja, bëjnë me dije se gruaja ka treguar gjithçka në polici, teksa ka shtuar se personin që abuzoi seksualisht me të nuk e njihte.
Autori i cili është identifikuar nga policia si Fiston Ngoy, 35 vjeç, është arrestuar dhe po përballet me akuza për përdhunim, ndërkohë gruaja është dërguar në spital.
Ndërkohë autoritetet e kanë konsideruar si një “akt të tmerrshëm kriminal” ndërsa shprehen se ngjarja do ishte parandaluar nëse do të kishin ndërhyrë personat e tjerë që ishin të pranishëm në tren.
