Epidemiologu Ilir Alimehmeti tha se ai ka bërë vaksinën i detyruar, por jo se e kishte të nevojshme, pasi kishte kaluar Covid-19.
Alimehmeti tha në studion e ABC se beson më shumë te imuniteti natyror, që do të thotë se vaksina nuk është e domosdoshme nëse e ke kaluar COVID-19.
“E para, nëse kemi persona në gjendje të prodhojnë përgjigje imunitare ndaj virusit, e nisim me radhë, nuk kemi asnjë virus më parë të njohur që thotë po ta kesh kaluar në mënyrë natyrore ke nevojë për vaksinë. E dyta kushëriri më i afër i tij virusi është SARS-CoV-1 dhe nuk ka pasur vaksinë, personat e infektuar në mënyrë natyrore vijojnë që të jenë imunë.
E treta, kemi cdo të dhënë, të gjitha të dhënat e Izraelit, që personat që e kanë kaluar kanë mbrojtje më të gjatë dhe të fortë se “Pfizer”. Këtu nuk ka një domosdoshmëri, por nëse e bën, sepse ta detyron puna, apo të udhëtosh, nuk pret një risk ekstra. Nuk kemi asnjë vend që të flasë për rënie të imunitetit natyror. Por nëse e bën nuk është risk. Unë e kam bërë për shkak të detyrimet dhe jo se ndjeja risk, thjeshtë kot” tha ai.
